Eyavuganya ku bwa president bwa Uganda mu kalulu ka 2026 Robert Kasibante, yefukuludde naasaba kooti ensukkulumu, okuggyayo omusango gweyawaaba ng'awakanya ebyava mu kalulu k'obwa president akaawangulwa munnaNRM Yoweri Kaguta Museveni. Kasibante agamba nti akizudde ng'ensimbi zeyetaaga okusaasanyiza ku musango guno ziyitiridde, saako obulippo bw'ebyamateeka ebitambulira ku musango guno byayinza obutasobola kutuukiriza.

Kasibante abadde yawawabira President Yoweri Tibuhaburwa Kaguta Museveni eyawangula akalulu, saako akakiiko k'ebyokulonda ne Attorney General.