Abantu 2 bafiiriddewo mbulaga n’abalala 2 nebadddusibwa mu ddwaliro ekkulu erye Masaka ng’embeera mbi,  Pikipiki  ezakazibwako Tukutuku bwetomereganye bwenyi ku bwenyi ne Loole Lukululana, mu kibuga Masaka mu kiro kya nga 25 August,2025.
Abafudde nga babadde ku ttukutuku kuliko dereeva waayo n’omusaabaze tebanategeerekeka mannya, ate abalala okuli Lubega Erick n’omulala atabadde nabimukwatako bebaddusiddwa mu ddwaliro nga biwalattaka.
Akabenje kagudde mu kitundu ekimannyiddwanga New Nkumbu, okumpi n’enkambi ya police.
Ttukutuku No. UGG 746H ebaddeko abantu 4 ng’ebadde eva Masaka ng’edda Kyotera ku misinde egyayiriyiri, neyingirira lukululana ebaddeko enamba za Tanzania T888ECW/T194DZL.
Omwogezi wa police e Masaka Twaha Kasirye alabudde abagoba ba ttukutuku abasusse okuvuga endiima n’okuvugisa ekimama nti beddeko okutaasa obulamu.
Bisakiddwa: Tomusange Kayinja