Emmotoka ya Minister omubeezi ow’abavubuka n’abaana  Balaam Barugahare Ateenyi  esaabadde omugoba wa bodaboda e Kagadi naafiirawo, mu gombolola ye Kyomukama mu district ye Kagadi.

 Mu mmotoka minister ababaddemu n’abantu abalala,  babadde boolekera ekibuga Fort Portal okwetaba mu Ttabamiruka w’abavubuka mu Bukama bwa Tooro abeerawo buli mwaka.

Okusinziira ku minister Balaam, omugoba wa bodaboda ayingidde oluguudo omulundi gumu ng’ava ku luuyi olulala, era nti kibadde kizibu omugoba wa mmotoka mwebabadde okumutaasa.