Lubaga
Mu gombolola ye Lubaga mu Kampala waliwo ebibinja by'abavubuka abakozi b'effujjo abamanyiddwa ng'Eggaali abalumbye ezimu ku polling station nebakyankalanya okulonda, nga kigambibwa nti babadde n'obululu obubadde buwedde okugololwa bwebabadde bagenda nga bayiwa mu bubokisi obulonderwamu.
Embeera eno ebadde e Mengo ku luguudo lwe Wakaliga, Bbakuli n'awalala.
Entebbe
Ekire ky'enkuba ekirimu n'omuzira kikedde kutaataganya kulonda mu kibuga Ntebbe, era kyonoonye ebimu kubikozesebwa mu kulonda.
Nyendo Masaka
Mu kibuga Masaka mu Nyendo, wabaddewo obunkenke abalonzi bwebatabukidde abalondesa oluvanyuma lw'okusanga  Box z'obululu ezibadde zireeteddwa okulonda, nga zibaddemu  obululu obubadde bumaze okugololwa, so nga babadde tebanatandika kulonda.
Makindye Wabaddewo okuwanyisiganya ebigambo wakati w'abalozi nabalondesa muzimu ku polling staton mu division ye Makindye, bwebalese obululu obutalina kubeera bwa mu kitundu ekyo ekivuddeko okulonda okulwawo okutandika. Embeera eno ebadde  ku polling stations nga Nyakinyuguzi, Boston, Kigagga ne Kosovo era okulonda kutandise kikeerezi. Kigambibwa nti ekitundu kino kya Ssalaama B, so ng'Obululu  obwasoose okutwalibwayo bwabadde bwa kitundu kya Salaama A,era wano abamu ku bantu ababadde bakedde okujja okulonda basazeewo okweddirayo awaka. Mu division ye Makindye abalonzi balonze bakansala bokka oluvanyuma lwa munna NRM Yasin Umar okulangirirwa ku bwa mayor, ng'abalala 11 ebisaanyizo byabwe byali tebiwera. Okutwaliza awamu okulonda ba mayor ba municipalities n'abakiise b'olukiiko lwa municipalities kubadde kwamuswaba, nga bwegwali mukulonda ba ssentebe ba district ne ba kansala. Ebifo ebimu.abalondesa bakozesezza obuuma obukozesebwa mu kulonda, ate abalala bakozesezza alijesita okukebera abalonzi.#     .