Abagoberezi ba Yezu Kristu ku mitendera egyenjawulo batambuzza ekkubo ly’omusaalaba munsi yonna, nga bajjukira olunaku lweyabonyaabonyezebwa ku mirembe gya Ponsio Piraato, n’akomererwa ku musaalaba ku lusozi e Gologooth.

Rev Fr. Ronnie Mubiru

Bwanamukulu wa Ekrezia ya st Jude Catholic Parish e Wakiso Rev Fr. Ronnie Mubiru agambye nti ekkubo ly’omusaalaba kabonero ak’okwefuumitiriza n’okujjukira Yezu Kristu byeyayitamu atuuke okukomererwa ku  musaalaba n’attibwa ng’asibiddwako omuge gw’amaggwa ku mutwe, wakati mu kwewaayo afiiririre abantu.

Abakkiriza abavudde mu bisomesa ebyenjawulo mu klezia ya St.Jude Wakiso nga begayirira Omutonzi

Omuto nga bwalabise nga yefumiitiriza ku Musaalaba
Wano ng’akulembeddemu abakkiriza okutambuza ekkubo ly’omusaalaba

Fr.Mubiru agamba nti mu kiseera kino ng’abantu bakola ebikolobero ku bannabwe, enguzi n’obulyake nga bigenda mu maaso mu Uganda, asabye abakkiriza okwefumiitiriza ku lunaku luno, kabeere akabonero eri abantu ok’okukomya okunyigiriza n’okutulugunya bannaabwe.

Okutambuza ekkubo ly’omusaalaba kwetabiddwamu abantu ab’enjawulo, abato n’abakadde.

Abakristu b’ekisomesa kye Nakabugo mu parish ye Buloba mu Kampala
E Kiwamirembe abakkiriza babadde bangi ddala, emmisa ekulembeddwamu Ssaabasaumba eyawummula Arch. Augustine Kasujja